ညောင်ဦး ၊ ၁၉-၆-၂၀၁၅
ပုဂံရှိ ရှေးဟောင်း ဘုရားများ ရေရှည် တည်တံ့ရေး အတွက် ဇူလိုင်လ ၁ ရက်မှ စတင်ကာ ပုဂံ သရပါတခါး မှ မော်တော်ယာဉ် ကြီးများ ဖြတ်သန်းခွင့်ကို တားမြစ်မည် ဖြစ်ကြောင်း ရှေးဟောင်း သုတေသန ဦးစီးဌာန မှ သိရသည်။
ထိုသို့ ဖြတ်သန်းခွင့် ကန့်သတ် လိုက်သော်လည်း မော်တော်ယာဉ် ကြီးများ ပုဂံမြို့ဟောင်း အတွင်းသို့ သွားလာနိုင်မည့် လမ်းတစ်ခု ပေးထားမည် ဖြစ်၍ အဆိုပါ ယာဉ်ကြီးများမှာ ပုဂံ ရှေးဟောင်း ပြတိုက်ရှေ့ လမ်းမှ မြို့ဟောင်းသို့ ၀င်ရောက်နိုင်မည် ဖြစ်ကြောင်း သိရသည်။
ထို့အပြင် ပုဂံ ရှေးဟောင်း ပြတိုက်ရှေ့ လမ်းမှ ပုဂံမြို့သစ် ၊ ဇက်ဆိပ်ဘက် သို့ ဖြတ်သန်း သွားလာနိုင်ကြောင်း သိရသည်။ ထို့အပြင် ဘုရားများကြားရှိ မြေလမ်းများကို မော်တော်ယာဉ်ကြီး များ ၊ ထော်လာဂျီများ အသုံးပြုခွင့် မပေးတော့ဘဲ ကားသေးများ ၊ လိုက်ထရပ်များ ၊ မြင်းလှည်း များသာ သွားလာခွင့်ပြု တော့မည် ဖြစ်ကြောင်း သိရသည်။
ယင်းကဲ့သို့ ပြုလုပ်ခြင်းသည် ပုဂံ ရှေးဟောင်း ဘုရားများ ရေရှည်တည်တံ့ ခိုင်မြဲရေး အတွက် ပြုလုပ်ခြင်း ဖြစ်ကြောင်း သိရသည်။ ပုဂံ ရှေးဟောင်း ယဉ်ကျေးမှု နယ်မြေနှင့် ပတ်သက်၍ ရေရှည်တည်တံ့ ခိုင်မြဲရန်မှာ ပြည်သူများ အားလုံးတွင် တာဝန်ရှိပြီး အားလုံး ပူးပေါင်း ပါဝင်ထိန်းသိမ်း ကြရန် လိုအပ်ကြောင်း သိရသည်။
မြန်မာနိုင်ငံ၏ အဓိက ခရီးသွားဒေသ တစ်ခုဖြစ်သော ပုဂံရှေးဟောင်း ယဉ်ကျေးမှုမြို့တော် ကို ကမ္ဘာ့ အမွေအနှစ် စာရင်းဝင် နိုင်ရန် ယူနက်စကို နှင့် ရှေးဟောင်း သုတေသန ဦးစီးဌာန တို့မှ ပူးပေါင်း၍ အလုပ်ရုံ ဆွေးနွေးမှုများ ပြုလုပ်လျက် ရှိကြောင်း သိရှိရသည်။
နေနေ
#Themyawadydaily
No comments:
Post a Comment