Social Icons

Pages

Featured Posts

http://myawady-myawady.blogspot.com/ . . . http://facebook.com/themyawadydaily . . . https://twitter.com/themaywadydaily

Thursday, September 3, 2015

အားကစားမြင်ကွင်းဂျာနယ် အတွဲ(၄) အမှတ်(၃၅)



အားကစားမြင်ကွင်းဂျာနယ် အတွဲ(၄) အမှတ်(၃၅)

https://www.scribd.com/doc/278019770/sportsview-vol4-no35

ဖိုင်အရွယ်အစား ကြီးလွန်းတဲ့အတွက် Download လုပ်ဖို့ မလွယ်ကူပါဘူး။ Scribd ကနေပဲ ဖတ်ရှုနိုင်ဖို့ တင်ပေးလိုက်ပါတယ်။

အာနိသင် စွမ်းပကား ကြီးမားသော တန်းဝင်ရတနာ တစ်ပါးဖြစ်သည့် ပယင်း


အာနိသင် စွမ်းပကား ကြီးမားသော တန်းဝင်ရတနာ တစ်ပါးဖြစ်သည့် ပယင်း

သီရိ

ကချင်ပြည်နယ် ဟူးကောင်း တာင်ကြား တနိုင်း နှင့် စစ်ကိုင်းတိုင်း ဒေသကြီး ခန္တီးဒေသတို့မှ ထွက်ရှိသည့် ပယင်းသည် ဈေးကွက်ဝင် လူကြိုက်များပြီး တိုင်းရင်းသား တချို့အပြင် နိုင်ငံခြားသား များကလည်း သွေးလည်ပတ်မှု ကောင်းစေရန် နှင့် ကံကောင်း စေရန် ၄င်း ပယင်းကျောက် များကို အဆောင်ကျောက် အဖြစ် အမြတ်တနိုး ဝတ်ဆင်မှုများ ရှိသည်။

ထို့အပြင် သစ်ပင်၏ အစေးမှ ဖြစ်လာသော ပယင်းထဲသို့ ပယင်းမဖြစ်မီ သစ်စေး အခြေအနေတွင် စေးကပ်သော သဘာဝ ရှိသောကြောင့် ၄င်းသစ်စေး ထဲသို့ မတော်တဆ လာရောက် ကပ်ငြိနေသော သစ်ပင် ၏ အစအနများ၊ သစ်ရွက်များ၊ ပျား၊ လိပ်ပြာ၊ ပုရွက်ဆိတ် နှင့် ပိတုန်း စသော အကောင်ငယ်လေး များသည် ရုန်းထွက်၍ မရတော့ သောကြောင့် ၄င်းသစ်စေးနှင့် အတူ နှစ်သန်း ပေါင်းများစွာ ကြာသောအခါ ပယင်းထဲ၌ ရုပ်ကြွင်းအဖြစ် ပါဝင်သွားတတ် ကြသည်။ ထိုသို့ အကောင်များ၊ သစ်ကိုင်းများ ပါရှိသော ပယင်းသည် တခြား ပယင်းထက် ဈေးပိုမို ရရှိသည်။

ပယင်းသည် ရွှေတွင်း၊ ငွေတွင်း၊ ပယင်းဒုတ္ထာ ဟူသော ရှေးစကားအရ ကျောက်မျက် ရတနာ ကိုးပါးထဲတွင် အပေါ့ပါးဆုံး ဖြစ်ပြီး မာခြင်းအဆင့် ၂ ဒသမ ၅ သာရှိပြီး သိပ်သည်းဆ သည်လည်း ၁ ဒသမ ဝ၇ သာရှိ သောကြောင့် အပူချိန်ကို ခံနိုင်ရည် မရှိဘဲ ပျက်စီးလွယ်ပြီး မီးရှို့လျှင်လည်း အလွယ်တကူ လောင်ကျွမ်း တတ်သည်။ ပယင်းသည် ဆန်းပြား လျှို့ဝှက်သော သဘာဝရှိပြီး ဂမ္ဘီရတန်ဖိုး မြင့်မားသော အရာဝတ္ထု ဖြစ်ကာ ကမ္ဘာပေါ်တွင် ဂမ္ဘီရတန်းဝင် ပစ္စည်းများ အားလုံးထဲ၌ ကျယ်ပြန့်စွာ အသုံးပြု နိုင်သော တန်းဝင် ရတနာ တစ်ပါးလည်း ဖြစ်သည်။

ပယင်းကျောက်၏ ထူးခြားချက်မှာ တခြားကျောက်များ ကဲ့သို့ အေးစက်သော သဘာဝမရှိဘဲ လူ၏ အရေပြားနှင့် ထိတွေ့ကြည့်ပါက အနည်းငယ် ပူနွေးနေခြင်း ဖြစ်သည်။ ပယင်း၏ အရောင်ဖြစ်သော ဝါရွှေရွှေ အကြည် ရောင်ကြောင့် အရက်၏ အရောင်ကို ပယင်းရောင် ဟုတင်စား ခေါ်ဝေါ်မှု ပြုလုပ်သကဲ့သို့ ပယင်းမှာ နီညိုရောင်၊ လိမ္မော်ရောင်၊ အစိမ်းရောင်၊ နှင်းဆီရောင်၊ အဝါရောင်၊ ခရမ်းရောင်နှင့် အဖြူရောင် အထိ အရောင်မျိုးစုံ ရှိတတ်ပြီး ရှားရှားပါးပါး အဖြစ် ခရမ်းပြာရောင် အထိပါ တွေ့ရှိရ တတ်သည်။

ပယင်းတွင် အစစ်နှင့်အတု ရှိတတ်ပြီး အစစ်၊ အတု ခွဲခြားရာတွင် အလွယ်တကူ စမ်းသပ်ခွဲခြား နိုင်သည်။ ဆားကို အရည်ဖျော် ထားသော ရေခွက်ထဲသို့ ထည့်လိုက် သောအခါ ပယင်းအတုမှာ ဆားဖျော်ရည် ထဲတွင် ပေါ်၍ မနေဘဲ အစစ်သည်သာ ပေါလောပေါ် နိုင်မည် ဖြစ်သည်။ ထိုနည်းဖြင့် ပယင်းအတုနှင့် အစစ် ခွဲခြားမှု ပြုလုပ်နိုင်သည်။ ပယင်းကျောက် များကို အမျိုးသမီးများ အတွက် ငါး၊ ဖား၊ ယုန်ရုပ် တို့ဖြင့် လည်းကောင်း၊ အမျိုးသား များအတွက် ခြင်္သေ့၊ ခွေး၊ နဂါးရုပ် တို့ဖြင့် လည်းကောင်း ထုလုပ်၍ ဝတ်ဆင်မှုများ ပြုလုပ်ကြသည်။

မြန်မာနိုင်ငံမှ ထွက်ရှိသော ပယင်းသည် အရည်အသွေး ကောင်းမွန်ပါက တစ်ကျပ်သားလျှင် ကျပ်တစ်သိန်း အထိ ဈေးရရှိပြီး သစ်ရွက်များ၊ အကောင်များ ပါဝင်သော ပယင်းမှာ ကျပ် တစ်သိန်းထက် ပို၍ ရရှိကာ အကောင်များ ဝင်ရောက် ဖြစ်တည်မှုပေါ် မူတည်၍ ကျပ်သိန်း ၅ဝ အထိ ဈေးများ ရရှိသည်။ ပယင်းကျောက် များကို တရုတ်၊ ထိုင်းနှင့် တိဗက်တို့မှ အများဆုံး ဝယ်ယူမှုရှိသည်။

ထို့ကြောင့် ပယင်းသည် အာနိသင် စွမ်းပကား ကြီးမားသော တန်းဝင် ရတနာတစ်ပါး ဖြစ်သောကြောင့် အများစုမှာ တန်ဖိုးထား ဝတ်ဆင်ကြခြင်း ဖြစ်သည်။

သီရိ

မြဝတီနေ့စဉ် ၊ စာ(၁၁)

#Themyawadydaily

ခါးနာသူများကို စတီးရွိုက် ဆေးထိုးပေးခြင်းမှာ အကျိုးအာနိသင် မရှိကြောင်း တွေ့ရှိ



ဒေါက်တာ သက်လွင် (ပြည်သူ့ကျန်းမာရေး)

ခါးနာသူ အများစုသည် ခါးနာသက်သာ စေရန် စတီးရွိုက်ဆေး ကို ထိုးတတ်ကြပြီး လေ့လာမှုသစ် အရ စတီးရွိုက် ထိုးပေးခြင်း သည် အကျိုး အာနိသင် မရှိကြောင်း သုတေသန တွေ့ရှိချက်အရ သိရသည်။

ထို့အပြင် ခါးနာသူများ အတွက် အမှန်တကယ် ပျောက်ကင်း စေသည့်နည်းမှာ ခဲဆွဲခြင်းနည်း နှင့် အကိုက်အခဲ ပျောက်ဆေး ပေးသည့်နည်း ရှိပြီး စတီးရွိုက် ဆေးသည် အာနိသင် မရှိကြောင်း၊ အော်ရီဂွန် သိပ္ပံ ဆေးပညာ တက္ကသိုလ် ပေါ့တလန်မြို့မှ သုတေသီ ရော်ဂျာချူ ၏ တွေ့ရှိချက် အား ဆေးပညာ ဂျာနယ် တွင် ပုံနှိပ်ဖော်ပြ ထားသည်။

ခါးနာခြင်း ရောဂါသည် ကိုယ်ခန္ဓာ မသန်စွမ်း ဖြစ်သည့် တစ်ကမ္ဘာလုံး ခံစား နေရသည့် ရောဂါ ဖြစ်သည်။ အမေရိကန် ပြည်ထောင်စု တွင် ခါးနာခြင်း ရောဂါကို လူ ၈ဝ ရာခိုင်နှုန်း ခန့်သည် တစ်ချိန်မဟုတ် တစ်ချိန်တွင် ခံစားခဲ့ဖူကြပြီး တချို့မှာ ဘဝ တစ်သက်တာ ခါးနာရောဂါ ကို စွဲကပ်ခံစား နေရသည်။

ပထမဆုံး ခါးနာကုထုံး အဖြစ် ခွဲစိတ် ကုသမှုတွင် မပါဝင်သော ဘိန်း အနွယ်ဆေးဝါး များပေးခြင်း၊ အကိုက်အခဲ ပျောက်ဆေး ပေးခြင်းတို့ ပါဝင်သည်။ ခွဲစိတ်မှုတွင် ပါဝင်သည့် စတီးရွိုက် ထိုးဆေး ပေးခြင်းသည် အာရုံကြောမ ၏ ပြင်ပအလွှာ ( Epidural )ထိုးပေးခြင်း လည်း ပါဝင်နေသည်။

စတီးရွိုက် ထိုးပေးခြင်းသည် ရောင်ရမ်းမှု ကို လျော့နည်းစေပြီး ခါးနာမှုကို သက်သာ စေသည်ဟု ယူဆခဲ့ကြသည်။ ဒေါက်တာ ချူ နှင့် အဖွဲ့မှ စတီးရွိုက် ထိုးဆေးထိုးနှံ ခြင်းသည် အကျိုး အာနိသင် မရှိကြောင်း ၊ ခါးနာရောဂါမပျောက်ကြောင်း တွေ့ရှိခဲ့သည်။

အဆိုပါ ခါးနာရောဂါမှာ စတီးရွိုက် ထိုးဆေးထိုးပေး နေကျ အလေ့အထအား မြောက်မြားစွာ လေ့လာ ထားခဲ့ရာမှ အကျိုး အာနိသင် မရှိခြင်းကို ကောက်ချက်ချ ပေးခဲ့ခြင်း ဖြစ်သည်။

မြ၀တီနေ့စဉ် ၊ စာ(၁၂)

#Themyawadydaily

ကြက်ဥစားသုံးခြင်း ၏ အကျိုးကျေးဇူးများ


ကြက်ဥစားသုံးခြင်း ၏ အကျိုးကျေးဇူးများ

သဲစုလှိုင်

ကျွန်ုပ်တို့ နေ့စဉ် လှုပ်ရှား သွားလာရာတွင် တက်ကြွလန်းဆန်း နေစေရန် အတွက် အာဟာရ ပြည့်ဝသော နံနက်စာ စားသုံးရန် လိုအပ်ပါသည်။ အာဟာရ ပြည့်ဝသော နံနက်စာကို ကလေးများအား ကျွေးခြင်းဖြင့် ဉာဏ်ရည် ပိုမိုထက်မြက် လာ စေနိုင်သည်။ ဦးနှောက်အတွက် အကျိုးများစွာ ဖြစ်ထွန်းစေပြီး အာရုံစူးစိုက်မှု ကိုလည်း ပိုမို အားကောင်း စေနိုင်သည်။ ကြက်ဥတွင် ပါဝင်သော ကိုလင်းဓာတ် သည် ဦးနှောက်၏ လုပ်ငန်း ဆောင်တာ များကို ပိုမို အားကောင်း လာစေရန် စွမ်းဆောင်ပေး နိုင်သည်။ သန္ဓေသား ၏ ဦးနှောက် ဖွံ့ဖြိုးမှု အတွက်လည်း အလွန် အသုံးဝင် သောကြောင့် ကိုယ်ဝန်ဆောင် မိခင်များ ကြက်ဥကို စားသုံး ပေးသင့်ပါသည်။

ကြက်ဥတွင် ကိုလင်းဓာတ် အပြင် ပရိုတင်းဓာတ်များ ကြွယ်ဝစွာ ပါရှိသည်။ ထို ပရိုတင်းဓာတ် သည် သွေးတွင်းသကြားဓာတ်ကို တည်ငြိမ်အောင် ထိန်းပေး သောကြောင့် အာရုံစူးစိုက်မှု ပိုမိုအားကောင်း စေသည်။ ဗီတာမင် ဒီ၊ ဗီတာမင် ဘီ 12၊ Selenium ၊ အမိုင်နိုအက်စစ် ၊ Antioxidant စသည့် အာဟာရဓာတ် များနှင့် အခြား အာဟာရဓာတ် များစွာ ပါဝင်ပါသည်။

ကြက်ဥကို အသင့်အတင့် စားပေးခြင်းဖြင့် ကိုယ်အလေးချိန် ထိန်းရာတွင် အထောက်အကူ ဖြစ်စေသည်။ ကြက်ဥကို နံနက်စာ အဖြစ် စားသုံးပါက ကြာကြာ ဗိုက်ပြည့်စေပြီး ကယ်လိုရီ ရရှိမှုကို ထိန်းချုပ် ပေးနိုင်ကြောင်း လေ့လာ သိရှိရသည်။ တချို့သော လူများက ကြက်ဥသည် သွေးတွင်း မကောင်းသော ကိုလက်စထရော ကို မြင့်တက် စေသည်ဟု ယူဆကာ ကြက်ဥ စားသုံးခြင်းကို ရှောင်ကြဉ် တတ်ကြသည်။ မည်သည့် အစားအစာ မဆို အသင့်အတင့် စားသုံးပေးပါက ကျန်းမာရေး အတွက် အထောက်အကူ ဖြစ်စေနိုင် ပါသည်။ ကြက်ဥသည် အာဟာရ ပါဝင်မှု အများဆုံး အစားအစာများ ထဲမှ တစ်ခုလည်း ဖြစ်သည်။

တစ်နေ့တစ်လုံး ပုံမှန် စားသုံးပေး ပါက သွေးခဲနှုန်း၊ နှလုံးရောဂါ ဖြစ်ပွားနှုန်းနှင့် လေဖြတ်ရောဂါ ဖြစ်နိုင်ခြေ တို့ကို လျော့ကျ စေနိုင်ကြောင်း လေ့လာတွေ့ရှိ ရပါသည်။ မျက်စိ ကျန်းမာရေး အတွက်လည်း အထောက်အကူ ဖြစ်စေသည်။ အသက်ကြီး ချိန်တွင် ဖြစ်တတ်သော မက်ကူလာ ယိုယွင်းပျက်စီး မှုနဲ့ အတွင်းတိမ် ရောဂါ ဖြစ်နိုင်ခြေ ကိုလည်း လျော့ကျ စေသည်။

အသားအရေ လှပစေခြင်း၊ လက်သည်းများကို သန်စွမ်း စေခြင်းနှင့် ဆံကေသာကို တောက်ပစေခြင်း စသည့် အစွမ်းသတ္တိ များကို ပေးစွမ်းနိုင်သော ဆာလဖာဓာတ် သည်လည်း ကြက်ဥထဲတွင် ပါဝင်ပေသည်။ ဆာလဖာသည် ကော်လာဂျင် နှင့် ကီရာတင် ထုတ်လုပ်မှု အလွန် အားကောင်း ပါသည်။ ကြက်ဥ တစ်လုံးတွင် အရွယ်ရောက်သူ တစ်ဦးအတွက် တစ်နေ့တာ လိုအပ်သော အာဟာရ၏ ၂၅ ရာခိုင်နှုန်း ခန့် ပါဝင်သည်။ ဈေးကွက် တွင်လည်း အလွယ်တကူ ဝယ်ယူရရှိ နိုင်ပြီး ချက်ရ လွယ်ကူသော အစားအစာ တစ်မျိုးလည်း ဖြစ်သည်။ကြက်ဥတွင် ပါဝင်နေသော ပရိုတင်းဓာတ် သည် လူ၏ ခန္ဓာကိုယ်ကို သန်မာ ထွားကျိုင်း စေပြီး ကြွက်သားများ ကိုလည်း ပိုမိုသန်မာ လာစေနိုင်သည်။

အမိုင်နိုအက်စစ် သည် ကလေးများ၊ ဆယ်ကျော်သက် များနှင့် လူငယ်လူရွယ် များအတွက် မရှိမဖြစ် လိုအပ်သောကြောင့် ကြက်ဥကို နံနက်စာ အနေဖြင့် တစ်နေ့တစ်လုံး စားသုံးသင့် ပါသည်။

မြ၀တီနေ့စဉ် ၊ စာ(၈)

#Themyawadydaily

တိုက်တန်းနစ်သင်္ဘောပေါ်က စားသောက်ဖွယ်စာရင်းစာရွက် လေလံတင်ရောင်းချမည်


Titanic's last lunch menu to auction for up to $70,000


နယူးယောက် ၊ ၃-၉-၂၀၁၅

လွန်ခဲ့သည့် နှစ်ပေါင်း ၁ဝဝ ကျော်က အတ္တလန္တိတ် သမုဒ္ဒရာတွင် နစ်မြုပ်သွား ခဲ့သည့် တိုက်တန်းနစ် သင်္ဘောပေါ်မှ နောက်ဆုံး ကျန်ရစ်သော နေ့လယ်စာ စားသောက်ဖွယ် စာရင်းစာရွက် ကို အွန်လိုင်းတွင် လေလံတင် ရောင်းချ သွားမည် ဖြစ်ကြောင်း NHK သတင်းတစ်ရပ် အရ သိရသည်။ အဆိုပါ စာရွက်ကို ဒေါ်လာ ၇ဝဝဝဝ ဖြင့် ဈေးခေါ် ရောင်းချ သွားမည်ဟု မျှော်လင့်ရသည်။

အဆိုပါ လေလံတင် ရောင်းချပွဲကို အမေရိကန် ကုမ္ပဏီ တစ်ခုက စက်တင်ဘာ ၃ဝ ရက်တွင် ပြုလုပ်သွားမည် ဖြစ်သည်။ ယခုလသည် အတ္တလန္တိတ် သမုဒ္ဒရာ ကြမ်းပြင်မှ တိုက်တန်းနစ် သင်္ဘော၏ အပျက်အစီး အပိုင်းအစ များကို ရှာဖွေတွေ့ရှိ ခဲ့သည့် နှစ် ၃ဝ ပြည့်မြောက်သည့် လဖြစ်သည်။ တိုက်တန်းနစ် သင်္ဘောသည် ၁၉၁၂ ခုနှစ် ဧပြီလတွင် နစ်မြုပ် သွားခဲ့ခြင်း ဖြစ်သည်။

စားသောက်ဖွယ် စာရင်းမှာ ဧပြီ ၁၄ ရက် နေ့စွဲဖြင့် ဖော်ပြထားပြီး သင်္ဘောပေါ်ပါ ခရီးသည်များ အတွက် နောက်ဆုံး နေ့လယ်စာ စာရင်းစာရွက် ဖြစ်သည်။ စာရွက်တွင် ဖော်ပြထားသည့် စားသောက်ဖွယ်ရာ များမှာ အမဲကင်၊ ဆော်လမွန်ငါး နှင့် ဆော့၊ ကြက်ဥနို့ပေါင်း တို့ ဖြစ်သည်။

သင်္ဘောနစ်မြုပ် ပြီးနောက် ခြောက်လခန့် အကြာတွင် အသက်ရှင် ကျန်ရစ်သူ တစ်ဦးက အခြား သူများထံ ရေးသား ထားသည့် စာတစ်စောင်နှင့် သင်္ဘောပေါ်ပါ ဇိမ်ခံ ရေနွေးချိုးကန် ဝင်ခွင့် လက်မှတ် တစ်စောင် တို့ကိုလည်း လေလံတင် ရောင်းချသွားမည် ဖြစ်သည်။

စားသောက်ဖွယ် စာရင်းစာရွက် နှင့် လက်မှတ်မှာ သင်္ဘော နစ်မြုပ်စဉ် အသက်ကယ်လှေ တစ်စင်းပေါ်တွင် အသက်ရှင် ကျန်ရစ်သူ တစ်ဦး၏ အိတ်ကပ် အတွင်းမှ ကျန်ရှိနေသော ပစ္စည်းများ ဖြစ်ကြောင်း သတင်းဌာနက ဖော်ပြသည်။

ညအိပ်ရာဝင် ခြေဆေးခြင်းအကျိုး


ညအိပ်ရာဝင် ခြေဆေးခြင်းအကျိုး

ကြည်လွင်မြင့် (မုဒြာ)

ညအိပ်ရာဝင်ချိန် ခြေထောက်ဆေးခြင်းဖြင့် မျက်စိကြည်ခြင်း၊ အတွင်းတိမ်ဖြစ်ခြင်းမှ ကာကွယ်နိုင် သည်ဟု ရှေးလူကြီးများပြောကြသည်။

တစ်နေကုန်သွားလာ လှုပ်ရှားရင်း ခန္ဓာကိုယ်တွင်း ရောက်ရှိလာသော အပူအခိုးအငွေ့ များသည် ညအိပ်ချိန်တွင် အထက်သို့ တက်ကြသည်။ အိပ်ပျော်နေရင်း ခေါင်းချွေးများ ထွက်ခြင်း၊ သွားရည်ကျခြင်း၊ အစာမစားဘဲ ပါးစပ်မှဝါးခြင်း၊ သွားကျိတ်ခြင်း၊ ကယောက်ကတမ်း ပြောခြင်းများသည် လေပူ အထက်သို့ တက်ခြင်းကြောင့် ဖြစ်ရသည်။ မိတ်ဆွေတစ်ဦး၏ သားငယ်သည် ညအိပ်လျှင် ကယောက်ကတမ်း စကားများ ပြောလေ့ ရှိသဖြင့် ကလေးကို ညအိပ်ရာ မဝင်မီ ဒူးအောက်ပိုင်း ရေလောင်း ခြေဆေးပြီး အိပ်ရာဝင်စေသော အခါ ကယောင်ကတမ်း ပြောခြင်းမှ သက်သာလာသည်ကို တွေ့ရသည်။

ကလေးများသည် နေပူထဲတွင် တစ်နေကုန် ဆော့ခြင်း၊ ရေခဲရေ၊ ရေခဲမုန့်များ စားသောက်ခြင်းကြောင့် ကိုယ်တွင်းအပူ အလွန်များသည်။ ထို့ကြောင့် ပင် ကလေးများ ဖျားနာလျှင် လူကြီးများထက် ကိုယ်အပူချိန် များသည်ကို တွေ့ရသည်။

ကိုယ်တွင်း အောင်းသော အပူများသည် နေ့တွင် ခြေဖဝါးမှ ထွက်လေ့ရှိသည်။ ခြေသလုံးတွင် ချွေးစို့နေ ပြီး ခြေဖဝါးမှထိုက်သင့်သော ခြေဆီထွက်လျှင် ကျန်းမာသော သူဖြစ်သည်။ ခြေသလုံးမှ ချွေးမထွက်၊ ခြေဖဝါးတွင် ခြေဆီမထွက်၊ ဖနောင့်ဖဝါး များတွင် အက်ကွဲခြင်းများ တွေ့ရလျှင် အောက်ပိုင်း အခိုးမညီ သူဖြစ်သည်။ အထက်သို့ အပူကန်ခြင်း များသောကြောင့် မျက်စိမှုန်ခြင်း၊ မျက်မှန် ဒီဂရီတိုးခြင်း၊ ဆံပင် ကျွတ်ခြင်း၊ ထိပ်ပြောင်ခြင်းများ အသက်ငယ်ငယ် နှင့်ပင် ဖြစ်နိုင်ချေ ရှိသည်။ ဝမ်းချုပ် ဓာတ်ချုပ်လျှင် ပို၍ပင် ဆိုးနိုင်ပေသည်။

ဆီးချို၊ သွေးချိုရောဂါ ရှိသူများသည် ညအိပ်ပျော် သွားပြီး တစ်ရေးနိုးတွင် အာခေါင် ခြောက်ပြီး ရေငတ်လေ့ ရှိသည်။ အစာအိမ်မှ အပူငွေ့ပျံပြီး အာခေါင်မှ သွားဖုံး၊ အထက်မျက်စိ ထိအောင် အပူငွေ့ တက်သဖြင့် ဆီးချိုသမားများ မျက်စိကွယ် သည်အထိ ဖြစ်ရလေသည်။ ဆီးချိုသွေးချို ရောဂါကို ကုသသည်က တစ်ဖက်၊ အခြားတစ်ဖက် ကလည်း တိုင်းရင်းဆေး ပညာ ဥပဒေသ ကုထုံးများနှင့် အညီ ပြုသင့်သည်။

ထိုသို့ပြုရန် နည်းလမ်းမှာ ညအိပ်ရာမဝင်မီ ခြေဖဝါးတွင် ဆားပွတ်ခြင်း၊ ဒူးမှ အောက်ပိုင်းသို့၊ ရေလောင်း ရေဆေးခြင်း ပြုရမည်။ ရေလောင်းသည့် အခါတွင်လည်း အတော်မသင့် မဟုတ်ဘဲ ခုနှစ်ခွက်မှ ၁၀ ခွက် အထိ အခိုးအကင်းများ ကုန်စင်အောင် လောင်းဆေးခြင်းသည် ကျန်းမာရေး အတွက် အကျိုးရှိ စေသည်။ ခြေထောက် ရေဆေးခြင်းကြောင့် ညတစ်ရေးနိုးချိန် အာခြောက် ရေငတ်ခြင်းနှင့် ဆီးချိုကြောင့် မျက်စိကွယ်ခြင်း ကိုပါ ကာကွယ်နိုင်သည်။ ရေရှည် လုပ်ဆောင်မှလည်း အကျိုးရှိမည်ကို သတိပြုရန် လိုပါ သည်။

သိမ်ဖြူ ဆရာတော် အရှင် နာရသေနာဘိဝံသ ၏ အာယုဗေဒ ဆေးသိပ္ပံ၊ အခြေခံ ကျန်းမာရေး သင်ခန်းစာ စာအုပ်တွင် ဖော်ပြထားသော ကျန်းမာသော ရေချိုးနည်းမှာ ရေချိုးသောအခါ အောက်ပိုင်းခြေကို စတင် လောင်း၍ ဒူး၊ ပေါင် စသည်ဖြင့် တရွေ့ရွေ့ အထက်သို့လောင်းပြီး တစ်ကိုယ်လုံး ချိုးပါ။ ရေချိုးစဉ် ပထမ တွင် ကိုယ်စိုရုံမျှ ရေလောင်း၍ အတွင်းခိုးများ ထွက်လာစေရန်၊ ထွက်ခွင့်ရသည့် အခိုးများ ထွက်ခွင့် ရစေရန် အတန်ငယ် ရပ်နားပြီးနောက် လိုသလို ချိုးရ၏။ အထူးအားဖြင့် ခေါင်းပိုင်း၌ ရောဂါရှိသူများ ခေါင်းကို လောင်းပြီး မချိုးရ။ ရေမလောင်းမီ ရှေးဦးစွာ ရေကို ပါးစပ်အတွင်း ငုံ၍ ထားပါ။ သို့မှသာ ခန္ဓာကိုယ်တွင်း ရှိ အပူအပုပ် ခိုးများရန်မှ ကာကွယ်ပြီး ဖြစ်ကုန်၏။ ယင်းသို့ ပြုလုပ်ပေးရန် သွားနှင့်ဆိုင်သော ရောဂါများ ကင်းရှင်းနိုင်၏။ မျက်စိ ဆရာဝန်ကြီးများဆေးခန်းတွင် မျက်စိတိမ်ခွဲ၍ ခွဲစိတ်ကုသရသူ၊ အတွင်းတိမ်၊ ရေတိမ်စသည့် မျက်စိဝေဒနာ ဖြစ်ရသူများ၏ ခြေထောက်များကို ကြည့်သောအခါ ချွေးခြောက်ပြီး ခြေသလုံး အသားပပ် ကာ ခြေဖဝါး၊ ခြေဖနောင့် ကွဲအက်သူများ ဖြစ်ကြောင်း သိရသည်။

ဝမ်းချုပ်ခြင်း ကြောင့်လည်း အောက်ပိုင်း ခြေနှစ်ဖက်ကိုက်ပြီး အထက်သို့ အခိုးပြန်ပြီး အကြောတက် သည်။ ဝမ်းကြော၏ အဆုံးသည် အူမကြီးတွင် ဆုံးသည်။ အူမကြီး အစာဟောင်းအိမ်တွင် ဝမ်းပုပ်နှင့် စမျင်းများ ပိတ်မိသော အခါ  ခြေတစ်လျှောက် သွားသော ပေါင်ခြံအတွင်းမှ သွေးကြောမကြီးတွင် လေပိတ်ပြီး အောက်ပိုင်းခြေသလုံးနှင့် ခြေဖျားသို့သွေးလျှောက်အားနည်းသွားသည်။ ထိုအခါ ခြေနှစ်ဖက် လုံး ကိုက်ခဲခြင်း၊ ထုံကျဉ်ခြင်းများဖြစ်နိုင်သည်။ 

ထိုသူများသည် ညအိပ်ရာဝင်ချိန်မတိုင်မီ ခေါက်တုံ့ ခေါက်ပြန် ခြေလှမ်းတစ်ရာခန့် လမ်းလျှောက် ပေးခြင်း၊ပြီးလျှင် ခါးအောက်ပိုင်း ခြေထောက်ကို ရေဆေးခြင်း ပြုလုပ်လျှင် သက်သာ စေနိုင်သည်။ “ဒူလာ ပါဒရက် ခြေကတက်” ဟု ရှေးကလူကြီးမျာ ပြောသည့် အညောင်းအကိုက် ရောဂါကို ခြေဆေးခြင်းဖြင့် မှန်မှန်ကန်ကန် ပြုလုပ်လျှင် သက်သာ စေနိုင်ပါသည်။

ညအိပ်ရာဝင်ခြေဆေးခြင်းနှင့် ရရှိနိုင်သော အကျိုးကျေးဇူးများ

  • ၁။ တစ်နေကုန် အောင်းနေသော အပူများအောက်သို့ လှည့်ပြီး ခြေဖဝါးမှ ထွက်သွားနိုင်သည်။
  • ၂။ ညအိပ်ပျော် နေချိန် ဟောက်ခြင်း၊ သွားကြိတ်ခြင်း၊ လျှာဝါးခြင်း၊ သွားရည်ကျခြင်း များ သက်သာ စေသည်။
  • ၃။ ရင်ညွှန့်သို့ တက်သောလေ၊ ဘဝင်သို့ တက်သောလေ၊ နှလုံးသို့တက်သော လေပူတို့ကို သက်သာစေသည်။
  • ၄။ ခြေထောက်ကို သန့်စင်စွာ ဆေးပြီး အိပ်ခြင်းကြောင့် မကောင်းသော အိပ်မက်ဆိုးများမက်ခြင်းမှ သက်သာ စေနိုင်သည်။
  • ၅။ ခြေသလုံးနှစ်ဖက် ကြွက်တက်ခြင်းမှ သက်သာစေသည်။
  • ၆။ နံနက်အိပ်ရာထတွင် မျက်ဝတ်များ ထွက်ခြင်း၊ မျက်စိဖွင့် မကောင်းခြင်းမှ သက်သာစေသည်။
  • ၇။ ခန္ဓာကိုယ် အပူအအေး မျှတပြီး ဦးခေါင်းသို့ အပူတက်ခြင်းကို သက်သာစေသည်။
  • ၈။ အပူကြောင့် သွားဖုံးကြွခြင်း၊ သွားနာ သွားကိုက်ခြင်း များမှ သက်သာစေသည်။
  • ၉။ ဆံပင်ကျွတ်ခြင်း၊ ငယ်ထိပ်ပြောင်ခြင်းမှ သက်သာစေသည်။
  • ၁၀။ ဆံပင်ဖြူခြင်းကို သက်သာစေသည်။
  • ၁၁။ ကျွတ်သောဆံပင် ကို ပြန်ပေါက် စေနိုင်သည်။
  • ၁၂။ မျက်တွင်းကျခြင်း၊ မျက်ကွင်းညိုခြင်းမှ သက်သာ စေနိုင်သည်။

ညအိပ်ရာဝင်ချိန် ခြေထောက် ရေဆေးခြင်းဖြင့် ရောဂါ အမျိုးမျိုးကို သက်သာ စေနိုင်သည်။ ကြွက်တက် ရောဂါ၊ အဆစ်ရောင် အဆစ်ကိုက် ရောဂါ၊ လေးဘက်နာ ရောဂါ၊ သွားနှင့် သွားဖုံးရောင်၊ သွားဖုံးကြွ ရောဂါ၊ မျက်စိတိမ် ရောဂါနှင့် မျက်မှန်ဒီဂရီ တိုးခြင်း၊ အစာအိမ် လေပူထခြင်း၊ လေပူအထက် တက်၍ မူးမော ရင်တုန်၊ နှလုံးလေရိုက် ရောဂါများပင် သက်သာသည်ဟု ဆိုသည်။ ခြေဆေးလျှင် လုံချည်၊ ထဘီကို  ပေါက်လယ် ထိအောင် မတင်ပြီး ရေအေးဖြင့် ခုနှစ်ခွက်ခန့် လောင်းဆေးသင့်သည်။ ခြေဆေးပြီးနောက် ခေတ္တ အပူထွက်အောင် စောင့်ပြီးမှသာ အဝတ်ခြောက်ဖြင့် သုတ်သင့်သည်။ နေ့စဉ်မှန်မှန် ပြုလုပ်မှသာ အကျိုးရှိမည့် နည်းဖြစ်ပါသည်။

Wednesday, September 2, 2015

အလိုအလျှောက် မိုးလေ၀သတိုင်း ကိရိယာများကို ပြည်တွင်းရှိ အင်တာနက် ရရှိသည့်ဒေသများတွင် ဦးစားပေး တပ်ဆင်သွားမည်


ရန်ကုန် ၊ ၃-၉-၂၀၁၅

မြန်မာနိုင်ငံ အတွင်းရှိ တိုင်းဒေသကြီး နှင့်ပြည်နယ် အသီးသီးရှိ မြို့ပေါင်း ၃ဝ တွင် အင်တာနက်နှင့် ချိတ်ဆက် ထားသည့် အလိုအလျောက် မိုးလေဝသတိုင်း ကိရိယာများကို တပ်ဆင်သည့် စီမံကိန်းများ ဆောင်ရွက်လျက် ရှိရာ လက်ရှိတွင် အဆိုပါ မိုးလေဝသတိုင်းကိရိယာများကို ပြည်တွင်းရှိ အင်တာနက် ရရှိပြီး လိုင်းအား ကောင်းသည့် ဒေသများတွင် ဦးစားပေး တပ်ဆင်မှုများ ပြုလုပ်နေကြောင်း မိုးလေဝသနှင့် ဇလဗေဒ ညွှန်ကြားမှု ဦးစီးဌာနမှ တာဝန်ရှိသူ တစ်ဦးက ပြောသည်။

''အင်တာနက် ရရှိပြီး လိုင်းအားကောင်း တဲ့ ဒေသမှာ ဦးစားပေး အနေနဲ့ တပ်ဆင်ပြီး အသုံးပြုမယ်။ ပြီးမှ အင်တာနက် မရရှိတဲ့ နေရာတွေမှာ အချိန်ယူပြီး အလိုအလျောက် မိုးလေဝသတိုင်း ကိရိယာ တွေကို တပ်ဆင် သွားမှာပါ။ တစ်နိုင်ငံလုံး အတိုင်းအတာနဲ့ မဖြစ်မနေ တပ်ဆင် သွားမှာပါ'' ဟု ၄င်းက ပြောသည်။

မိုးလေဝသနှင့် ဇလဗေဒ ညွှန်ကြားမှု ဦးစီးဌာနသည် မြန်မာနိုင်ငံ အတွင်း၌ အဆိုပါ အလိုအလျောက် မိုးလေဝသတိုင်း ကိရိယာ များကို တပ်ဆင်ရန် ကုန်ကျစရိတ် အနေဖြင့် အမေရိကန် ဒေါ်လာ ၃၄ သန်းခန့် အသုံးပြု သွားမည် ဖြစ်ကြောင်း သိရသည်။ လက်ရှိတွင် မြန်မာနိုင်ငံ အတွင်း၌ အဆိုပါ အလိုအလျောက် မိုးလေဝသတိုင်း ကိရိယာများ ကို မြို့ကြီး ငါးမြို့၌ တပ်ဆင်ထားပြီ ဖြစ်ကြောင်း သိရသည်။ 

အလိုအလျောက် မိုးလေဝသတိုင်း ကိရိယာများကို မိုးလေဝသ နှင့် ဇလဗေဒ ညွှန်ကြားမှု ဦးစီးဌာနမှ ၂ဝ၁၆ ခုနှစ်ထဲတွင် မြို့ပေါင်း ၃ဝ ၌ အပြီးတပ်ဆင် သွားမည် ဖြစ်သည်။ ယင်းကိရိယာ သည် အပူပိုင်း မုန်တိုင်း အခြေအနေ နှင့် ရွေ့လျားရာ လမ်းကြောင်း ကို အချိန်နှင့် တစ်ပြေးညီ ကြိုတင် ထောက်လှမ်း သိရှိနိုင်ခြင်း၊ မုန်တိုင်း ကျရောက်စဉ် လေတိုက်နှုန်းကို တိကျစွာ တိုင်းထွာပေးခြင်း၊ စသည့် အချက်အလက် များကို အချိန်နှင့် တစ်ပြေးညီ ထုတ်ပေး နိုင်ကြောင်း သိရသည်။

မင်းသော်တာလွင်

မြ၀တီနေ့စဉ် ၊ စာ(၄)

#Themyawadydaily

ရက် ၃၀ အတွင်း သတ်မှတ်ထားသည့် အနည်းဆုံးလုပ်အားခ နှုန်းထားအတိုင်း ပေးချေမှုမရှိသည့် အလုပ်ရှင်များအား ဥပဒေအရ အရေးယူသွားမည်


ရန်ကုန် ၊ ၃-၉-၂၀၁၅

နိုင်ငံတော် အစိုးရမှ တရားဝင် အတည်ပြု သတ်မှတ် လိုက်သည့် အနည်းဆုံး အခကြေးငွေ နှုန်းထားကို စတင် အတည်ပြုသည့် နေ့ရက်မှ စ၍ ရက် ၃ဝ အတွင်း ပေးချေမှု မရှိသော အလုပ်ရှင် များအား ဥပဒေအရ အရေးယူ သွားမည် ဖြစ်ကြောင်း အလုပ်သမား၊ အလုပ်အကိုင်နှင့် လူမှုဖူလုံရေး ဝန်ကြီးဌာနမှ တာဝန်ရှိသူ တစ်ဦးက ပြောသည်။

အနည်းဆုံး အခကြေးငွေ နှုန်းထားအား စက်တင်ဘာ ၁ ရက်မှ စတင်၍ တစ်နေ့ အလုပ်ချိန် ရှစ်နာရီတွင် ကျပ် ၃၆ဝဝ အဖြစ် သတ်မှတ်ခဲ့ရာ သတ်မှတ်နှုန်းထား အတိုင်း ပေးချေမှု မရှိပါက သက်ဆိုင်ရာ မြို့နယ် အလုပ်သမားရုံးသို့ လာရောက် တိုင်ကြား နိုင်ကြောင်း နှင့် ရက် ၃ဝ အတွင်း သတ်မှတ်နှုန်းထား အတိုင်း ပေးချေရမည် ဖြစ်ကြောင်း သိရသည်။

အဆိုပါ အနည်းဆုံး အခကြေးငွေ သည် လုပ်သား ၁၅ ဦးနှင့် အထက်ရှိသော လုပ်ငန်းခွင် များနှင့် သက်ဆိုင်ပြီး ဥပဒေအရ အလုပ်သင် ကာလတွင် ၅ဝ ရာခိုင်နှုန်းသာ ပေးချေ ရမည်ဖြစ်ကာ အမြဲတမ်း ဝန်ထမ်း ဖြစ်ပါက အနည်းဆုံး အခကြေးငွေ ကျပ် ၃၆ဝဝ အောက် လျော့နည်း၍ ပေးချေခွင့် မရှိကြောင်း၊ စက်ရုံ၊ အလုပ်ရုံများတွင် သတ်မှတ်နှုန်းထား အတိုင်း ပေးချေမှုရှိ၊ မရှိအား အလုပ်သမား၊ အလုပ်အကိုင်နှင့် လူမှုဖူလုံရေး ဝန်ကြီးဌာနမှ စစ်ဆေးမှုများ ပြုလုပ်သွားမည် ဖြစ်ကြောင်း သိရသည်။

ထို့အပြင် အနည်းဆုံး အခကြေးငွေ ဥပဒေ ပုဒ်မ ၂၂ အရ သတ်မှတ်ထားသော အနည်းဆုံး အခကြေးငွေကို အလုပ်သမားအား ပေးအပ်ခြင်း မပြုပါက တစ်နှစ်ထက် မပိုသော ထောင်ဒဏ်ဖြစ်စေ၊ ကျပ်ငါးသိန်းထက် မပိုသော ငွေဒဏ်ဖြစ်စေ၊ ဒဏ်နှစ်ရပ်လုံး ဖြစ်စေ ချမှတ်ခြင်း ခံရမည် ဖြစ်ကြောင်း သိရသည်။

နေနေ

မြ၀တီနေ့စဉ် ၊ စာ(၅)

#Themyawadydaily

အလုပ်သမားများ၏ လုပ်အားခ တစ်ရက်ကျပ် ၃၆၀၀ အကျုံးဝင်ပြီဖြစ်၍ စက်ရုံအလုပ်ရုံတချို့ အချိန်ပို အလုပ်ဆင်းချိန် လျှော့ချလာ


ရန်ကုန် ၊ ၃-၉-၂၀၁၅

ယမန်နေ့မှ စတင်၍ အလုပ်သမား များ၏ လုပ်အားခ တစ်ရက်ကျပ် ၃၆ဝဝ ဟူသည့် သတ်မှတ်ချက် သည် စတင် အကျုံးဝင်ပြီ ဖြစ်သောကြောင့် တချို့သော စက်ရုံ အလုပ်ရုံ များတွင် အချိန်ပို အလုပ်ဆင်းချိန် များကို လျှော့ချ လိုက်ကြောင်း ရန်ကုန်တိုင်း ဒေသကြီး အတွင်းရှိ စက်ရုံ အလုပ်ရုံများမှ စုံစမ်း သိရသည်။

''ဒီနေ့က စပြီးတော့ အချိန်ပို မရှိတော့ဘူး။ အရင်တုန်း ကတော့ ရှိခဲ့တယ်'' ဟု ဒဂုံမြို့သစ် (ဆိပ်ကမ်း) မြို့နယ် အတွင်းရှိ စက်မှုဇုန်၌ လုပ်ကိုင်နေသူ တစ်ဦးက ပြောသည်။ လွန်ခဲ့သော နှစ်က လုပ်အားခနှင့် ပတ်သက်၍ အလုပ်ရှင်နှင့် အလုပ်သမား များကြားတွင် ပြဿနာများ ဖြစ်ပွားခဲ့ကာ ယခုနှစ် မေလအတွင်း သက်ဆိုင်ရာ ဌာနဆိုင်ရာ များမှ ကြားဝင်၍ တစ်ရက် အနိမ့်ဆုံး လုပ်အားခငွေ သတ်မှတ်ချက်ကို အလုပ်ရှင် အလုပ်သမားများ ဆွေးနွေးရာတွင် ကျပ် ၃၆ဝဝ သတ်မှတ်ပေးရန် အတည်ပြု ခဲ့ကြခြင်း ဖြစ်သည်။

''တချို့စက်ရုံ ပိုင်ရှင်တွေက ဒီလောက် ပမာဏကို မပေးချင် ကြဘူး။ တကယ်တော့ ဒါဟာ အခုခေတ် ကုန်ဈေးနှုန်းနဲ့ ကြည့်ရင် လုံလောက်တယ် လို့ ခေါ်လို့ မရသေးဘူး'' ဟု စက်မှုလက်မှု လုပ်ငန်း တစ်ခုတွင် အလုပ်သမား ကြီးကြပ်ရေးမှူး အဖြစ် ဆောင်ရွက် နေသူတစ်ဦး က ပြောသည်။

ယခင်က တစ်ရက်တာ အတွင်း အချိန်ပို အလုပ်ဆင်း ချိန်များ သတ်မှတ်၍ လုပ်အားခတွင် ပေါင်းထည့်ပေး သော်လည်း ယခုအခါ အလုပ်ချိန် ၈ နာရီ အထိသာ လုပ်ကိုင်ခွင့် ပြုခြင်းတို့ကို စက်ရုံ အလုပ်ရုံ တချို့ လုပ်ဆောင် နေကြခြင်း ဖြစ်ကြောင်း သိရသည်။

ထက်ခိုင် (စမ်းချောင်း)

မြ၀တီနေ့စဉ် ၊ စာ(၃)

#Themyawadydaily

Good Health ( Issue- 544 )



Good Health ( Issue- 544 )

Download Link = Mediafire

Related Posts Plugin for WordPress, Blogger...